Bacon Product-ը փնտրում է նախաձեռնող, վերլուծական մտածողությամբ և զարգանալու ցանկություն ունեցող Կրտսեր Պրոդուկտ Մենեջերի, ով կմիանա մեր թիմին և քայլ առ քայլ կզարգանա պրոդուկտի կառավարման ոլորտում։

Այս հաստիքը նախատեսված է նաև այն թեկնածուների համար, ովքեր դեռևս չունեն Product Management ոլորտում մեծ փորձ, բայց ցանկանում են մասնագիտանալ այս ուղղությամբ։

Կարող են դիմել նաև վերջին կուրսի ուսանողները։

Հիմնական գործառույթներ

Սկզբնական փուլում՝ սովորելու և փորձ ձեռք բերելու ընթացքում

• Շուկայի և մրցակիցների վերաբերյալ տեղեկատվության հավաքագրման և ուսումնասիրության իրականացում,
• Շուկայում առկա պրոդուկտների, նոր առաջարկների և սպառողների նախասիրությունների վերաբերյալ տեղեկատվության ուսումնասիրություն,
• Հաճախորդների, վաճառքի թիմերի և այլ բաժինների կողմից ստացված կարծիքների հավաքագրում և համակարգում,
• Պրոդուկտների վերաբերյալ տվյալների, տեղեկատվության և հետազոտության արդյունքների ամփոփում,
• Նոր և գործող պրոդուկտների զարգացման նախագծերում աջակցություն,
• Նոր պրոդուկտների թողարկման գործընթացի տարբեր փուլերում ներգրավվածություն,
• Պրոդուկտների փաթեթավորման, պիտակների և թաղանթների փոփոխությունների նախագծերի իրականացմանն աջակցություն,
• Անհրաժեշտ տեղեկատվության հավաքագրում և համապատասխան բաժիններին տրամադրում,
• Պրոդուկտների համտեսների կազմակերպմանն աջակցություն, արդյունքների ամփոփում և արձանագրությունների կազմում,
• Պրոդուկտների վերաբերյալ հաշվետվությունների և պրեզենտացիաների պատրաստում,
• Առաջադրանքների և նախագծերի ընթացքի վերահսկմանն ու թարմացմանն աջակցություն,
• Ակտիվ համագործակցություն հարակից բաժինների հետ՝ նախագծերի իրականացման շրջանակներում,
• Product Manager-ի կողմից իրականացվող աշխատանքների ուսումնասիրություն և աջակցություն առօրյա գործընթացներում։

Փորձ ձեռք բերելուց և մասնագիտական զարգացումից հետո

Աշխատանքի ընթացքում անհրաժեշտ գիտելիքներն ու հմտությունները ձեռք բերելուց հետո կրտսեր պրոդուկտ մենեջերին աստիճանաբար կվստահվեն ավելի մեծ պատասխանատվություն և ինքնուրույնություն՝

• Շուկայի և մրցակցային դաշտի ուսումնասիրությունների ինքնուրույն իրականացում և արդյունքների ներկայացում,
• Հաճախորդների և ներքին թիմերի հետադարձ կապի վերլուծություն և բարելավման առաջարկների ներկայացում,
• Նոր և գործող պրոդուկտների զարգացման նախագծերի առանձին փուլերի ինքնուրույն համակարգում,
• Նոր պրոդուկտի ստեղծման և շուկա թողարկման գործընթացում ավելի մեծ ներգրավվածություն՝ գաղափարից մինչև թողարկում,
• Փաթեթավորման, պիտակների և այլ պրոդուկտային նյութերի փոփոխությունների նախագծերի համակարգում,
• Գործող պրոդուկտների վերաբերյալ ընթացակարգերի և պահանջների պահպանման վերահսկողություն,
• Նոր պրոդուկտների և գործող պրոդուկտների կատարելագործման վերաբերյալ առաջարկների ձևավորում,
• Գնագոյացման գործընթացի համար անհրաժեշտ տվյալների վերլուծություն և առաջարկների նախապատրաստում,
• Գնառաջարկների և պրոդուկտների վերաբերյալ անհրաժեշտ նյութերի ինքնուրույն պատրաստում,
• Պրոդուկտների համտեսների կազմակերպում, արդյունքների վերլուծություն և հետագա քայլերի առաջարկում,
• Նախագծերի ժամկետների և ընթացքի վերահսկում, անհրաժեշտության դեպքում համապատասխան բաժինների հետ հետագա քայլերի համակարգում,
• Պրոդուկտների նախագծերի ընթացիկ կարգավիճակի վերաբերյալ հաշվետվությունների պատրաստում և ներկայացում անմիջական ղեկավարին։

Պարտադիր պահանջներ

• Բարձրագույն կրթություն կամ բարձրագույն կրթություն ստանալու ընթացք՝ մարքեթինգի, տնտեսագիտության, բիզնեսի կառավարման, սոցիոլոգիայի կամ հարակից ոլորտներում,
• Վերջին կուրսի ուսանողները նույնպես կարող են դիմել,
• Հայերեն լեզվի գերազանց իմացություն,
• Ռուսերեն և անգլերեն լեզուների լավ իմացություն,
• Excel-ով աշխատելու բազային հմտություններ,
• Տեղեկատվություն հավաքագրելու, համակարգելու և վերլուծելու կարողություն,
• Պրեզենտացիաներ պատրաստելու բազային հմտություններ,
• Կազմակերպվածություն և առաջադրանքները սահմանված ժամկետներում կատարելու կարողություն,
• Ուշադրություն մանրուքների նկատմամբ,
• Թիմում աշխատելու և տարբեր բաժինների հետ արդյունավետ հաղորդակցվելու կարողություն,
• Նոր գիտելիքներ արագ յուրացնելու և մասնագիտական զարգանալու ցանկություն։

Կլինի առավելություն

• Մարքեթինգի, Product Management-ի կամ Project Management-ի վերաբերյալ դասընթացների մասնակցություն,
• Product Management կամ Project Management ոլորտում նախնական փորձ՝ աշխատանքի, պրակտիկայի, ստաժավորման կամ ուսումնական նախագծերի շրջանակում,
• Agile-ի վերաբերյալ բազային գիտելիքներ,
• Asana, Trello, Jira, ClickUp, Bitrix կամ այլ առաջադրանքների/նախագծերի կառավարման գործիքների հետ ծանոթություն,
• Շուկայի ուսումնասիրության կամ տվյալների վերլուծության հետ կապված փորձ։

Մենք առաջարկում ենք

• Անսահման հնարավորություններ մասնագիտական աճի և զարգացման համար,
• Հնարավորություն աշխատելու արագ փոփոխվող միջավայրում, որտեղ կզարգացնես արագ ադապտացվելու և ճկունություն դրսևորելու քո կարողությունները,
• Դրական և, ինչպես մեր Գործադիր տնօրենն է սիրում ասել՝ «լուսավոր» աշխատանքային միջավայր,
• Անվճար ճաշային ընդմիջում,
• Անվտանգ և հարմարավետ տրանսպորտ՝ դեպի գործարան և ետ,
• Կատարողականի գնահատման և աշխատավարձի վերանայման հստակ և թափանցիկ համակարգ,
• Մասնագիտական աճի հնարավորություն՝ աստիճանաբար ստանձնելով ավելի մեծ պատասխանատվություն և ներգրավվելով պրոդուկտների զարգացման իրական նախագծերում։